சிறைவாசம் முதல் சிம்மாசனம் வரை.. டி.கே.சிவக்குமாரின் அரசியல் பயணம்

நெருக்கடி நிலை

அந்த நேரத்தில் கட்சியின் மாநில தலைவராக ஆர்.வி.தேஷ்பாண்டே இருந்தார். 2018-ம் ஆண்டு முதல் இதுவரை கர்நாடக காங்கிரஸ் தலைவராக பணியாற்றி வருகிறார். கடந்த 2023-ம் ஆண்டு முதல் தற்போது வரை துணை முதல்-மந்திரியாக இருக்கிறார். 2002-ம் ஆண்டு விலாஷ்ராவ் தேஷ்முக் தலைமையிலான மராட்டிய மாநில காங்கிரஸ் ஆட்சிக்கு நெருக்கடி நிலை ஏற்பட்டது. நம்பிக்கையில்லா தீர்மானம் கொண்டு வரப்பட்டது. இதனால் காங்கிரஸ் எம்.எல்.ஏ.க்கள் சிலர் கட்சி தாவும் நிலை இருந்தது.

குதிரை பேரம்

அந்த காங்கிரஸ் எம்.எல்.ஏ.க்களை பெங்களூரு அழைத்து வந்து டி.கே.சிவக்குமார் குதிரை பேரத்தில் சிக்காமல் பாதுகாத்து ஆட்சியை தக்க வைக்க உதவினார். இதனால் காங்கிரஸ் மேலிடத்தில் டி.கே.சிவக்குமாருக்கு நற்பெயர் கிடைத்தது. அதன்பிறகு கடந்த 2017-ம் ஆண்டு குஜராத்தில் மாநிலங்களவை தேர்தல் நடைபெற்றது. அங்கு காங்கிரஸ் எம்.எல்.ஏ.க்கள் குதிரை பேரத்தில் சிக்கும் நிலை இருந்தது.

இதையடுத்து 42 குஜராத் காங்கிரஸ் எம்.எல்.ஏ.க்களை பெங்களூருவுக்கு அழைத்து வந்து டி.கே.சிவக்குமார் தனது பாதுகாப்பில் தங்க வைத்தார். அவர்களை வெற்றிகரமாக பாதுகாத்து குஜராத்துக்கு அனுப்பி வைத்தார். அந்த நேரத்தில் டி.கே.சிவக்குமாரின் வீடுகளில் வருமான வரி சோதனை நடைபெற்றது. அவரது வீட்டில் சுமார் ரூ.8 கோடி கணக்கில் வராத பணம் சிக்கியது.

கைது

இதுதொடர்பாக அமலாக்கத்துறை வழக்குப்பதிவு செய்து டி.கே.சிவக்குமாரை கைது செய்து டெல்லி திகார் சிறையில் அடைத்தது. சுமார் 6 மாதங்கள் அவர் சிறைவாசம் அனுபவித்த பிறகு ஜாமீனில் வெளியே வந்தார். அதன் பின்னர் அமலாக்கத்துறை வழக்கு ரத்து செய்யப்பட்டது. அவர் சிறையில் இருந்தபோது சோனியா காந்தி சிறைக்கு சென்று அவரை சந்தித்து தைரியம் கூறினார்.

நாட்டில் எந்த மாநிலத்திலும் காங்கிரஸ் கட்சியில் சிக்கல் ஏற்பட்டாலும் அங்கு பிரச்சினையை தீர்த்து வைக்க டி.கே.சிவக்குமார் கட்சி மேலிடத்தால் அனுப்பி வைக்கப்படுகிறார். அவர் சோனியா காந்தி, ராகுல்காந்தியின் நம்பிக்கைக்குரிய தலைவராக மாறியுள்ளார்.

கடந்த 2013-ம் ஆண்டு அமைந்த காங்கிரஸ் ஆட்சியில் சித்தராமையாவின் மந்திரிசபையில் இடம் பிடிக்க டி.கே.சிவக்குமார் போராடினார். தற்போது அவரையே வீழ்த்திவிட்டு டி.கே.சிவக்குமார் சிம்மாசனத்தில் அமருகிறார்.