அவர்கள் முக்கிய குற்றவாளியான ஸ்வப்னா சுரேஷை கோர்ட்டில் ஆஜர்படுத்தி, பின்னர் காவலில் எடுத்து விசாரணை நடத்தினர். அப்போது 150 கிலோ தங்கத்திற்கு மேல் கடத்தி வரப்பட்டது விசாரணையில் தெரியவந்தது. இதனை தொடர்ந்து அமலாக்கத்துறையும் காவலில் எடுத்து விசாரணை நடத்தியது.

இந்நிலையில், இந்த வழக்கில் முகமது அன்வர், ஹம்சத் அப்துல் சலாம், சம்ஜு மற்றும் அம்ஜத் அலி ஆகிய 4 பேரை என்.ஐ.ஏ. அதிகாரிகள் நேற்று கைது செய்தனர்.

கேரளாவின் மலப்புரம் மற்றும் கோழிக்கோடு நகரங்களில் உள்ள 6 இடங்களில், கைது செய்யப்பட்ட 4 பேரின் வீடுகளில் என்.ஐ.ஏ. அதிகாரிகள் இன்று சோதனை நடத்தியனர். இதில் பல முக்கிய ஆவணங்கள் கைப்பற்றப்பட்டு உள்ளன என கூறப்படுகிறது. இதுவரை இந்த வழக்கில் 20 பேரை என்.ஐ.ஏ. அதிகாரிகள் கைது செய்துள்ளனர்.