காஷ்மீரின் புல்வாமா மாவட்டத்துக்கு உட்பட்ட உஸ்ரம்பாதிரி கிராமத்தில் பயங்கரவாதி ஒருவரின் நடமாட்டம் இருப்பதாக நேற்று முன்தினம் இரவு பாதுகாப்பு படையினருக்கு தகவல் கிடைத்தது. உடனே பாதுகாப்பு படையினர் அந்த பகுதிக்கு விரைந்து சென்று தேடுதல் வேட்டையில் ஈடுபட்டனர்.

அப்போது அங்கு பயங்கரவாதி ஒருவர் மறைந்திருந்ததை கண்ட வீரர்கள், அவரை சரணடையுமாறு வலியுறுத்தினர். ஆனால் அவர் பாதுகாப்பு படையினர் மீது கண்மூடித்தனமாக சுட்டார். இதனால் வீரர்களும் பதிலடி கொடுத்தனர். சில மணி நேரம் நீடித்த இந்த சண்டையில் அந்த பயங்கரவாதி சுட்டுக்கொல்லப்பட்டார்.