இசைஞானி என்று புகழப்படும் இசையமைப்பாளர் இளையராஜா இன்று தனது 75-வது பிறந்த நாளை கொண்டாடுகிறார். இசை உலகின் ராஜா என்றும் ரசிகர்களால் புகழப்படும் இளையராஜாவுக்கு ரசிகர்கள், திரைப்பிரபலங்கள் என பல்வேறு தரப்பினரும் வாழ்த்துக்களை தெரிவித்து வருகின்றனர்.

ஜனாதிபதி ராம்நாத்கோவிந்த் தனது டுவிட்டர் பக்கத்தில் இளையராஜாவுக்கு வாழ்த்துச்செய்தியை பகிர்ந்துள்ளார். தமிழ், ஆங்கிலம், இந்தி என மூன்று மொழிகளிலும் வாழ்த்துச்செய்தியை பகிர்ந்துள்ள ஜனாதிபதி ராம்நாத்கோவிந்த், இளையராஜாவுக்கு பத்மவிபூஷன் விருது வழங்கிய புகைப்படத்தையும் பதிவிட்டுள்ளார்.