டெல்லி முதல்மந்திரி அரவிந்த் கெஜ்ரிவால் வீட்டில் கடந்த பிப்ரவரி மாதம் நடைபெற்ற ஆலோசனை கூட்டத்தில், அரசு தலைமைச்செயலாளர் அன்ஷூ பிரகாஷ் கலந்து கொண்டார். அப்போது ஆளும் ஆம் ஆத்மி கட்சி எம்.எல்.ஏ.க்கள் 2 பேர், தலைமைச்செயலாளரை தாக்கியதாக புகார் எழுந்தது. இந்த விவகாரம் டெல்லி ஐ.ஏ.எஸ் அதிகாரிகள் மத்தியில் பெரும் பரபரப்பை ஏற்படுத்தியது.

இந்த விவகாரம் தொடர்பாக வழக்குப்பதிவு செய்து விசாரணை நடத்தி வந்த டெல்லி போலீசார், இன்று டெல்லி பாட்டியாலா நீதிமன்றத்தில் குற்றப்பத்திரிகை தாக்கல் செய்துள்ளனர். 3 ஆயிரம் பக்கங்கள் கொண்ட இந்த குற்றப்பத்திரிகையில், டெல்லியில் தலைமைச்செயலாளர் தாக்கப்பட்டதற்கு முதல் மந்திரி அரவிந்த் கெஜ்ரிவால், துணை முதல் மந்திரி மனிஷ் சிசோடியா மற்றும் 11 எம்.எல்.ஏக்களே பொறுப்பு என்று தெரிவித்துள்ளனர்.