கேரளாவில் எஸ்.எஸ்.எல்.சி., பிளஸ்-2 தேர்வுகள் கடந்த மார்ச், ஏப்ரல் மாதங்களில் நடத்தி முடிக்கப்பட்டது. எஸ்.எஸ்.எல்.சி. செய்முறை தேர்வுகள் ரத்து செய்யப்பட்ட நிலையில், பிளஸ்-2 செய்முறை தேர்வு விரைவில் நடத்தப்பட உள்ளது. நடந்து முடிந்த தேர்வுகளின்விடைத்தாள் திருத்தும் பணி இன்று (திங்கட்கிழமை) தொடங்குகிறது. இந்த பணி வருகிற 24-ந் தேதி வரை நடைபெறும்.

கொரோனா ஊரடங்கு காரணமாக அரசு பஸ் போக்குவரத்து கடந்த மாதம் 5-ந் தேதி முதல் ரத்து செய்யப்பட்டுள்ளது. ஆனால் விடைத்தாள் திருத்தும் பணிக்கு செல்லும் ஆசிரியர்கள், அலுவலர்களின் வசதிக்காக கேரள அரசு போக்குவரத்து கழகம் சார்பில் மாநிலம் முழுவதும் சிறப்பு பஸ்கள் இயக்கப்பட உள்ளதாக போக்குவரத்து துறை மந்திரி ஆன்றனி ராஜு தெரிவித்துள்ளார்.