இந்தியாவில் உள்ள 6 தேசிய கட்சிகள் தேர்தல் ஆணையத்தில் தாக்கல் செய்த 2022-23ம் ஆண்டுக்கான வரவு மற்றும் செலவு குறித்த தகவல்களை சேகரித்து ஜனநாயக சீர்திருத்த சங்கம் அறிக்கை வெளியிட்டுள்ளது. அந்த அறிக்கையின்படி 2022-23ல் தேசிய கட்சிகளின் மொத்த வருமானம் ரூ.3,077 கோடி என்று தெரிவிக்கப்பட்டுள்ளது.

இதில் பா.ஜ.க. 76.73% பங்கு வருமானத்தைப் பெற்று முதலிடத்தில் உள்ளது. 2022-23ல் பா.ஜ.க.வின் வருமானம் ரூ.2,361 கோடி என்று தெரிவிக்கப்பட்டுள்ளது. இதையடுத்து காங்கிரஸ் கட்சி ரூ.452.375 கோடி(14.70%) வருமானத்துடன் 2-வது இடத்தில் உள்ளது.