மத்திய பழங்குடியினர் நலத்துறை மந்திரி அர்ஜூன் முந்தா டெல்லியில் பத்திரிகையாளர்களை சந்தித்தார். அப்போது அவர் ரெயில்வே பாதுகாப்பில் 9 ஆண்டுகால மோடி அரசின் சாதனைகளை எடுத்துரைத்தார். இது குறித்து அவர் கூறியதாவது:-

"கடந்த 22 ஆண்டுகளில் ஏற்பட்டுள்ள போக்குகளை ஆராய்ந்தால், 2000-01 நிதியாண்டில் 473 ஆக இருந்த ரெயில் விபத்துகள் 2022-23 நிதியாண்டில் 48 ஆக குறைந்துள்ளது. அதாவது கடந்த 22 ஆண்டுகளில் ரெயில் விபத்துகள் 90 சதவீதம் வரை குறைந்துள்ளது. ரெயில் நடவடிக்கைகளின் பாதுகாப்பை பலப்படுத்த ரயில்வே பல முக்கியமான நடவடிக்கைகளை செயல்படுத்தியுள்ளது.