சேலம் மாவட்டம் திருமலைகிரியில் மாரியம்மன் கோவில் உள்ளது. கடந்த சில தினங்களுக்கு முன்பு அந்த கோவிலுக்குள் நுழைந்த பட்டியலின வாலிபரை தி.மு.க. நிர்வாகி மாணிக்கம் மிரட்டினார். இதுகுறித்த வீடியோ வைரலானதை தொடர்ந்து அவர் கட்சியில் இருந்து நீக்கப்பட்டார். மேலும் போலீசார் மாணிக்கத்தை கைது செய்தனர்.

இந்த விவகாரம் தொடர்பாக சமூக வலைத்தளங்களில் வெளியான தகவல்களின் அடிப்படையில் தானாக முன்வந்து தேசிய தாழ்த்தப்பட்டோர் ஆணையம் வழக்கு பதிவு செய்துள்ளது.