ஆட்சியாளர்களுக்கு பாடம் புகட்டும் பணியில் ஈடுபட உள்ளதால், இடைத்தேர்தலில் போட்டியிட போவதில்லை என்ற கமலஹாசனின் கருத்துக்கு குறித்து செய்தியாளர்கள் துணை முதல் அமைச்சர் ஓ பன்னீர் செல்வத்திடம் கேள்வி எழுப்பினர். இக்கேள்விக்கு பதிலளித்த ஒ பன்னீர் செல்வம், கமல்ஹாசனின் பேச்சு விநாடிக்கு ஒரு முறை மாறும்; அதற்கு பதில் அளிக்க முடியாது என்றார்.

மதுரை திருப்பரங்குன்றம் கோயிலில் சாமி தரிசனம் செய்த பின் செய்தியாளர்களுக்கு பேட்டி அளித்த துணை முதல் அமைச்சர் ஓ பன்னீர்செல்வம் மேலும் கூறியதாவது:- அமைச்சரவையை மாற்றி அமைப்பது முதல்வரின் தனிப்பட்ட அதிகாரம். சசிகலா குடும்பத்திற்கு எதிராக தர்மயுத்தம் நடத்தி அதிமுக வெற்றி பெற்றிருக்கிறது. தினகரன் மீண்டும் அதிமுகவில் இணைவதற்கு வாய்ப்பு இல்லை. என்றார்.