கேரளாவில் கடந்த சில வாரங்களாக கொரோனா தொற்று பாதிப்பு எண்ணிக்கை தொடர்ந்து அதிகரித்துக்கொண்டே வருகிறது.

இந்நிலையில் கேரளாவில் இன்று 3 ஆயிரத்திற்கும் மேற்பட்டோருக்கு கொரோனா தொற்று உறுதி செய்யப்பட்டுள்ளது. கேரளா சுகாதாரத்துறை மந்திரி கே.கே.ஷைலஜா வெளியிட்டுள்ள அறிக்கையில், கேரளாவில் இன்று 3,349 பேருக்கு கொரோனா தொற்று உறுதி செய்யப்பட்டுள்ளது. மாநிலத்தில் இதுவரை கொரோனா தொற்று உறுதி செய்யப்பட்டவர்கள் எண்ணிக்கை 99,266 ஆகும். கொரோனா பாதிப்புக்கு இன்று 12 பேர் உயிரிழந்துள்ளநிலையில், இதுவரை 396 பேர் பலியாகி உள்ளனர். தொற்று பாதிப்பில் இருந்து இன்று 1,657 பேர் குணம் அடைந்துள்ளனர். மொத்தமாக இதுவரை 72,578 பேர் குணம் அடைந்துள்ளனர். தொற்று பாதிப்புடன் 26,229 பேர் சிகிச்சை பெற்று வருகின்றனர் என்று தெரிவிக்கப்பட்டுள்ளது.