‘பழைய இன்ஜின்களை மாற்ற லாரி உரிமையாளர்களுக்கு அனுமதி வழங்க வேண்டும்’ - தி.மு.க. எம்.பி. ராஜேஷ்குமார் வலியுறுத்தல்

இந்திய சரக்கு போக்குவரத்தின் முதுகெலும்பாக இருக்கும் இந்த லாரிகள் நல்ல வடிவமைப்புகளைக் கொண்டுள்ளன. மாசுபாட்டிற்கான முக்கிய காரணம் பொதுவாக பழைய இன்ஜின்தான். பழைய மாசுபடுத்தும் இன்ஜின்களை புதிய BS6 இன்ஜின்களாக மாற்றுவது, தொழில்நுட்ப ரீதியாக வாகனங்களைப் புதுப்பிக்கும் ஒரு நடைமுறை மற்றும் செலவு குறைந்த தீர்வாகும்.

இன்ஜினை மட்டும் மாற்றலாம் எனும்போது, நல்ல நிலையில் இருக்கக் கூடிய முழு லாரியையும் அழிக்க வேண்டும் என ஏன் கட்டாயப்படுத்த வேண்டும்? புதிய வாகனங்களுக்கு லட்சக்கணக்கான ரூபாய் செலவிட முடியாத சிறிய லாரி உரிமையாளர்கள் மீது இந்த கொள்கை பெரிய பொருளாதார சுமையை ஏற்படுத்துகிறது.

குறைந்த ஏற்றுமதி திறன் காரணமாக தளவாடச் செலவுகள் அதிகரிக்கவும் இது வழிவகுக்கிறது. இறுதியில் அத்தியாவசிய பொருட்களின் விலையில் பணவீக்கம் ஏற்படுகிறது. சாலைப் போக்குவரத்து மற்றும் நெடுஞ்சாலைத்துறை மந்திரி நிதின் கட்கரி இந்தக் கொள்கையை மறுபரிசீலனை செய்து, 20 ஆண்டுகளுக்கு மேல் பயன்பாட்டில் உள்ள லாரிகளின் உரிமையாளர்கள் பழைய இன்ஜின்களை புதிய சான்றளிக்கப்பட்ட BS6 என்ஜின்களாக மாற்றுவதற்கு அனுமதி அளிக்க வேண்டும்.

இவ்வாறு அவர் தெரிவித்தார்.