வருகிற நாடாளுமன்ற தேர்தலில் மேற்குவங்காளத்தில் ஆளும் திரிணாமுல் காங்கிரஸ் கட்சியுடன் இணைந்து போட்டியிட காங்கிரஸ் முடிவு செய்துள்ளது. அந்த மாநிலத்தில் மொத்தம் 42 நாடாளுமன்ற தொகுதிகள் இருக்கும் நிலையில் 10 முதல் 12 தொகுதிகளை காங்கிரஸ் எதிர்பார்க்கிறது. ஆனால் காங்கிரசுக்கு 2 தொகுதிகளை மட்டுமே வழங்க திரிணாமுல் காங்கிரஸ் தயாராக உள்ளது.

இந்த நிலையில் திரிணாமுல் காங்கிரஸ் கட்சியின் கோட்டையாக கருதப்படும் பிர்பும் தொகுதியில் அக்கட்சியின் தலைவரும், மாநில முதல்-மந்திரியுமான மம்தா பானர்ஜி கட்சி தலைவர்களுடன் ஆலோசனை நடத்தினார்.