இந்த நிலையில், மங்களூரில் நடைபெற்ற வெடிவிபத்து உளவுத்துறையின் தோல்வியை அம்பலப்படுத்தியுள்ளது என கர்நாடகா முன்னாள் முதல்-மந்திரி சித்தராமையா தெரிவித்துள்ளார்.

இது குறித்து அவர் வெளியிட்டுள்ள டுவிட்டர் பதிவில், "மங்களூருவில் நடந்த குண்டுவெடிப்பு பயங்கரவாத செயல் என்பதை டிஜிபி உறுதி செய்துள்ளார். இந்த வன்முறைச் செயலை நான் வன்மையாகக் கண்டிக்கிறேன். இந்தச் செயலுக்கு காரணமானவர்களை உடனடியாகக் கைது செய்யுமாறு காவல்துறையை வலியுறுத்துகிறேன்.

குண்டுவெடிப்பு உளவுத்துறையின் தோல்வியை அம்பலப்படுத்தியுள்ளது. இதற்கு உள்துறை மந்திரி பொறுப்பை ஏற்க வேண்டும். மக்கள் பதற்றமடைய வேண்டாம், சந்தேகத்திற்குரிய நபர்கள் குறித்து காவல்துறைக்கு தகவல் வழங்குமாறு கேட்டுக்கொள்கிறேன்." இவ்வாறு அவர் தெரிவித்துள்ளார்.