கர்நாடக அரசின் சுகாதாரத்துறை சார்பில் தேசிய டாக்டர்கள் தின விழா பெங்களூரு மாகடி ரோட்டில் உள்ள ஆரோக்கிய சவுதாவில் நேற்று நடைபெற்றது. இதில் சுகாதாரத்துறை மந்திரி சுதாகர் கலந்து கொண்டு, விழாவை தொடங்கி வைத்தார். அப்போது அவர் பேசியதாவது;-

போரில் வீரமரணம் அடையும் ராணுவ வீரர்களை, தியாகிகள் என்று அழைக்கிறோம். நாட்டில் கொரோனாவுக்கு எதிராக போராடி 700-க்கும் மேற்பட்ட டாக்டர்கள் உயிர்த்தியாகம் செய்துள்ளனர். உயிர்த்தியாகம் செய்த டாக்டர்களின் நினைவாக இந்த ஆரோக்கிய சவுதாவில் டாக்டர்கள் நினைவு சின்னம் அமைக்கப்படும்.