குஜராத், இமாச்சலபிரதேச சட்டமன்ற தேர்தலில் பாஜக பெரும்பான்மை பலத்துடன் வெற்றி பெற்றுள்ளது. பாரதீய ஜனதா வெற்றி பெற்றுள்ளதையடுத்து, பிரதமர் மோடி, அமித்ஷாவுக்கு பீகார் முதல் மந்திரி நிதிஷ் குமார் வாழ்த்து தெரிவித்துள்ளார். அதேவேளையில், நிதிஷ்குமாருடன் ஏற்பட்டுள்ள கருத்து வேறுபாட்டால், ஐக்கிய ஜனதா தளம் கட்சியில் இருந்து வெளியேறியுள்ள சரத் யாதவ், அகில இந்திய காங்கிரஸ் கட்சியின் தலைவர் ராகுல் காந்திக்கு வாழ்த்துக்களை தெரிவித்துள்ளார்.

பீகார் முதல் மந்திரி நிதிஷ்குமார் தனது டுவிட்டர் பக்கத்தில் கூறியிருப்பதாவது:- பிரதமர் மோடி மற்றும் பாஜக தேசிய தலைவர் அமித் ஷா ஆகியோருக்கு வாழ்த்துக்களை தெரிவித்துக்கொள்கிறேன். குஜராத்தில் பாரதீய ஜனதாவிடம் இருந்து ஆட்சியை கைப்பற்றுவோம் என்று கூறிய காங்கிரஸ், இமாச்சல பிரதேத்தில் ஆட்சியை பறிகொடுத்துள்ளதுஎன்று தெரிவித்துள்ளார்.