பீகாருக்கு சிறப்பு அந்தஸ்து கேட்டு மாநில அரசு மத்திய அரசை தொடர்ந்து வலியுறுத்தி வருகிறது. இந்த நிலையில் அங்கு மேற்கொள்ளப்பட்ட சாதிவாரி கணக்கெடுப்பு சமீபத்தில் வெளியிடப்பட்டது. இதன் மூலம் மாநிலத்தில் ஏழைகள் அதிகம் வசிப்பது கண்டறியப்பட்டு உள்ளதாக அரசு கூறியுள்ளது.

எனவே மாநிலத்துக்கு சிறப்பு அந்தஸ்து வழங்கி மக்களை மேம்படுத்த வேண்டும் என மத்திய அரசை பீகார் மாநில அரசு மீண்டும் வலியுறுத்தி உள்ளது. இது தொடர்பாக மாநில மந்திரி சபையில் நேற்று சிறப்பு தீர்மானம் ஒன்று நிறைவேற்றப்பட்டது. இதை முதல்-மந்திரி நிதிஷ்குமார் தனது சமூக வலைத்தளத்தில் கூறியுள்ளார்.