இந்தியாவில் எபோலா பாதிப்பு இல்லை: மக்களவையில் மத்திய மந்திரி ஜே.பி.நட்டா தகவல்

காங்கோ, உகாண்டா, தெற்கு சூடான் போன்ற நாடுகளிலிருந்து வரும் பயணிகள் மீது கூடுதல் கண்காணிப்பு செலுத்தப்படுகிறது. சர்வதேச பயணிகளுக்கு முழுமையான தடை விதிக்கப்படவில்லை என்றாலும், கடந்த 21 நாட்களில் பாதிக்கப்பட்ட நாடுகளுக்குச் சென்றவர்கள் தனித்துக் கண்காணிக்கப்படுகிறார்கள்.

விமான நிலையங்களில் கூடுதல் பாதுகாப்பு

'ஏர் சுவிதா 2.0' தளம் மற்றும் சுய-பிரகடன படிவங்கள் மூலம் பயணிகளின் உடல்நிலை மற்றும் பயண விவரங்கள் சேகரிக்கப்படுகின்றன. டெல்லி, மும்பை உள்ளிட்ட முக்கிய சர்வதேச விமான நிலையங்களில் கூடுதல் மருத்துவர்கள் மற்றும் மருத்துவப் பணியாளர்கள் பணியமர்த்தப்பட்டுள்ளனர்.

மத்திய அரசின் அதிரடி உத்தரவு

மத்திய நோய் கட்டுப்பாட்டு மையம் மற்றும் இந்திய மருத்துவ ஆராய்ச்சி கவுன்சில் ஆகிய அமைப்புகள் முழு எச்சரிக்கையுடன் இருக்குமாறு அறிவுறுத்தப்பட்டுள்ளது. மேலும், அனைத்து மாநிலங்கள் மற்றும் யூனியன் பிரதேசங்களுக்கு நிலையான இயக்க நடைமுறைகள் அனுப்பப்பட்டு, மருத்துவமனைகளில் தனிமைப்படுத்தப்பட்ட வார்டுகளை தயார் நிலையில் வைக்க உத்தரவிடப்பட்டுள்ளது. பொதுமக்கள் அச்சப்படத் தேவையில்லை என்றும், அரசு நிலைமையைத் தீவிரமாகக் கண்காணித்து வருவதாகவும் மத்திய மந்திரி ஜே.பி.நட்டா உறுதியளித்துள்ளார்.