திரிணாமுல் காங்கிரஸ் ஆட்சி நடக்கும் மேற்கு வங்காளத்தில் அடுத்த மாதம் 8-ந் தேதி பஞ்சாயத்து தேர்தல் நடக்கிறது. இதற்கான வேட்புமனு தாக்கல் நடந்து வருகிறது. இதற்கு 16-ந் தேதி கடைசிநாள் ஆகும். இதுவரை 10 ஆயிரத்துக்கு மேற்பட்ட வேட்புமனுக்கள் தாக்கல் செய்யப்பட்டுள்ளன.

இந்நிலையில், நேற்று வேட்புமனு தாக்கல் மையத்துக்கு செல்லும் வழியில், பல்வேறு எதிர்க்கட்சி பிரமுகர்கள் தாக்கப்பட்டதாக புகார் எழுந்துள்ளது. பங்குரா மாவட்டம் சோனாமுகியில் பா.ஜனதா எம்.எல்.ஏ. திபாகர் காரமி தாக்கப்பட்டதாக கூறப்படுகிறது.