‘பேரறிவாளனை பார் கவுன்சிலில் இருந்து நீக்க வேண்டும்’ - காங்கிரஸ் எம்.பி. சுதா

இந்த நிலையில், பேரறிவாளனை பார் கவுன்சிலில் இருந்து உடனடியாக நீக்க வேண்டும் என மயிலாடுதுறை தொகுதி காங்கிரஸ் எம்.பி. சுதா வலியுறுத்தியுள்ளார். இது தொடர்பக ஜனாதிபதி, பிரதமர், சுப்ரீம் கோர்ட்டு தலைமை நீதிபதி, மத்திய சட்டத்துறை மந்திரி மற்றும் தமிழக முதல்-அமைச்சர் ஆகியோருக்கு அவர் கடிதம் எழுதியுள்ளார்.

இது குறித்து சுதா கூறுகையில், “ஒரு வழக்கறிஞர் என்ற முறையில், பேரறிவாளன் ஐகோர்ட்டு வளாகத்திற்குள் நுழைவதை நான் ஒருபோதும் அனுமதிக்க மாட்டேன். அவரால் ஐகோர்ட்டில் வக்கீல் அங்கி அணியவோ, சட்ட ஆவணங்களை அணுகவோ முடியாது.

விடுதலைப் புலிகளின் ஆதரவாளரான பேரறிவாளன், முன்னாள் பிரதமர் ராஜீவ் காந்தி கொலை வழக்கில் கைதாகி 31 ஆண்டுகள் சிறை தண்டனை அனுபவித்துள்ளார். அவர் கருணை மனு மூலமாகவே விடுதலை பெற்றுள்ளார்.

பேரறிவாளனை பார் கவுன்சிலில் பதிவு செய்தது இந்திய நீதித்துறையின் கருப்பு நாளாகும். அவரை பார் கவுன்சிலில் இருந்து உடனடியாக நீக்க வேண்டும். அவர் பார் கவுன்சிலில் பதிவு செய்வதற்கு உதவியாக இருந்த அனைவரின் மீதும் நடவடிக்கை எடுக்கப்பட வேண்டும்” என்று தெரிவித்துள்ளார்.