ஆடு, மாடுகள் ருசித்து சாப்பிடுவதற்கான சாக்லேட்டை 2 மாத கால ஆராய்ச்சிக்கு பின்னர் மத்திய பிரதேச மாநிலம், ஜபல்பூரில் உள்ள நானாஜி தேஷ்முக் கால்நடை அறிவியல் பல்கலைக்கழக ஆராய்ச்சியாளர்கள் கண்டுபிடித்து அசத்தி இருக்கிறார்கள்.

இதுபற்றி அந்த பல்கலைக்கழகத்தின் துணைவேந்தர் பேராசிரியர் எஸ்.பி.திவாரி கூறும்போது, பல்வேறு வைட்டமின்கள், தாதுக்கள் நிறைந்த சாக்லேட், கால்நடைகளுக்காக உருவாக்கப்பட்டுள்ளது. பசுந்தீவனம் கிடைக்காதபோது, இதை கால்நடைகளுக்கு மாற்றுத்தீவனமாகவும் பயன்படுத்தலாம். மாநில கால்நடை பராமரிப்புத்துறையின் உதவியுடன் இந்த சாக்லேட்டுகள் மாநிலம் முழுவதும் வினியோகிக்கப்படும் என தெரிவித்தார்.