முன்னாள் பிரதமரும், காங்கிரஸ் மூத்த தலைவருமான மன்மோகன் சிங் (வயது 89), கடந்த ஏப்ரல் மாதம் கொரோனா தொற்றால் பாதிக்கப்பட்டு, டெல்லி எய்ம்ஸ் ஆஸ்பத்திரியில் சேர்க்கப்பட்டு, குணம் அடைந்தார்.

இந்த நிலையில் கடந்த 2 தினங்களாக அவர் காய்ச்சலாலும், உடல் சோர்வாலும் அவதியுற்று வந்துள்ளார். இதையடுத்து அவர் நேற்று டெல்லி எய்ம்ஸ் ஆஸ்பத்திரியில் சேர்க்கப்பட்டார். அங்கு அவருக்கு மருத்துவ பரிசோதனைகள் நடத்தப்படுவதாகவும், தற்போது அவரது உடல்நிலை ஸ்திரமாக இருப்பதாகவும் தகவல் அறிந்த வட்டாரங்கள் கூறுகின்றன.