புதுடெல்லி,
பிரதமர் மோடி நாட்டு மக்களுக்கு இன்று இரவு 8 மணியளவில் உரையாற்றுகிறார். முன்னதாக, மாலை 4 மணிக்கு பிரதமர் மோடி ஆல் இந்தியா ரேடியோ வாயிலாக நாட்டு மக்களிடம் உரையாற்றுவார் என்று தெரிவிக்கப்பட்டு இருந்த நிலையில், தற்போது இரவு 8 மணியளவில் உரையாற்றுவார் என்று தெரிவிக்கப்பட்டுள்ளது. பிரதமர் அலுவலகத்தின் டுவிட்டர் பக்கத்தில் இந்த தகவல் தெரிவிக்கப்பட்டுள்ளது.
ஜம்மு காஷ்மீர் விவகாரம் குறித்து பிரதமர் மோடி, நாட்டு மக்களுக்கு தனது உரையில் எடுத்துரைக்கலாம் எனத்தெரிகிறது.
ஜம்மு காஷ்மீருக்கு சிறப்பு அந்தஸ்து வழங்கும் சட்டப்பிரிவு 370-ஐ ரத்து செய்த மத்திய அரசு, அம்மாநிலத்தை இரண்டு யூனியன் பிரதேசங்களாக பிரித்தது. பாராளுமன்றத்தில் பிரதமர் மோடி, காஷ்மீர் விவகாரம் குறித்து பேசவில்லை. மசோதா நிறைவேற்றப்பட்ட பின்னர் தனது டுவிட்டர் பக்கத்தில் மட்டுமே பிரதமர் மோடி கருத்து கூறியிருந்தார்.