‘மக்களை தூண்டிவிடவும், நாட்டின் பாதுகாப்பிற்கு அச்சுறுத்தலை ஏற்படுத்தவும் முதல் ஆளாக வருபவர் ராகுல் காந்தி’ - கங்கனா ரனாவத் விமர்சனம்

இதனிடையே, ஜார்க்கண்ட் மாநில அரசு பணி தேர்வுகளில் வினாத்தாள் கசிவு உள்ளிட்ட முறைகேடுகள் நடந்துள்ளதாக கூறி, அந்த மாநிலத்தை சேர்ந்த ஆயிரக்கணக்கான மாணவர்கள் மற்றும் இளைஞர்கள் போராட்டம் நடத்தி வருகின்றனர். இது குறித்து செய்தியாளர்கள் எழுப்பிய கேள்விக்கு பதிலளித்த கங்கனா ரனாவத், “நமது இளைய தலைமுறையினரும், நமது குழந்தைகளும் பல தசாப்தங்களாக, பலவிதமான இன்னல்களை அனுபவித்து வருகின்றனர்.

காங்கிரஸ் கட்சியினர் இங்கே(டெல்லியில்) ஒரு மோசமான சூழ்நிலையை ஏற்படுத்தினர். நாடாளுமன்றத்தை தாக்க முயன்றனர். ஆனால், ஜார்க்கண்டில் மாணவர்களின் நிலைமை மிகவும் மோசமாக இருக்கும் இந்த சூழலில் ராகுல் காந்தி அங்கு சென்று அவர்களை சந்திக்கவில்லை. அதே சமயம், மக்களை தூண்டிவிடுவதற்கோ, அல்லது நாட்டின் பாதுகாப்பிற்கு அச்சுறுத்தலை ஏற்படுத்துவதற்கோ ராகுல் காந்திதான் முதல் ஆளாக வருகிறார்” என்று தெரிவித்தார்.