ராணுவத்தில் பணியாற்றி நாட்டுக்காக உயிர் தியாகம் செய்த உத்தரகாண்ட் மாநிலத்தை சேர்ந்த 1,400 ராணுவ வீரர்களின் நினைவாக உத்தரகாண்டின் டேராடூன் நகரில் போர் நினைவுச்சின்னம் அமைக்கப்பட்டுள்ளது. இந்த நினைவுச்சின்னத்தை ராணுவ மந்திரி ராஜ்நாத்சிங் நேற்று திறந்துவைத்தார்.

இந்த நிகழ்ச்சியில் மாநில முதல்-மந்திரி புஷ்கர் சிங் தாமி, முப்படைகளின் தலைமை தளபதி அனில் சவுகான் ஆகியோர் பங்கேற்றனர். அவர்கள் 3 பேரும் நினைவுச்சின்னத்தில் மலர்வளையம் வைத்து ராணுவ வீரர்களுக்கு மரியாதை செலுத்தினர்.