கர்நாடக மாநிலம் ஹனகல் பகுதியில் நடந்த காங்கிரஸ் பொதுக்கூட்டத்தில் கர்நாடக காங்கிரஸ் கட்சியின் மேலிட பொறுப்பாளர் ரன்தீப்சிங் சுர்ஜேவாலா கலந்து கொண்டு பேசினார். அப்போது அவர் விலைவாசி உயர்வுக்காக பா.ஜ.க.வை கடுமையாக விமர்சித்தார். இந்த பொதுக்கூட்டத்தில் அவர் பேசியதாவது;-

தேசிய அளவிலும், கர்நாடகத்திலும் ஒரே மாதிரியான நிலை நிலவுகிறது. சாமானிய மக்களின் நிலை மோசமாக உள்ளது. பொதுமக்களின் வருமானம் குறைந்துவிட்டது. அதே நேரத்தில் செலவு அதிகரித்துவிட்டது. விவசாயிகளின் வருவாய் பாதியாக சரிந்துவிட்டது. பெட்ரோல் விலை ரூ.110-ஐ தொட்டுவிட்டது. டீசல் விலையும் ரூ.100-ஐ தாண்டிவிட்டது. சமையல் எரிவாயு சிலிண்டரின் விலை ரூ.925 ஆக அதிகரித்துள்ளது.