உத்தரகாண்ட் மாநிலம் பத்திரீநாத்தில் இருந்து புனித யாத்திரையை முடித்துவிட்டு பேருந்தில் யாத்திரீகர்கள் வந்து கொண்டிருந்தனர். அப்போது எதிர்பாராத விதமாக பேருந்து மீது பாறைகள் உருண்டு வந்து விழுந்தது. இதில் பாறை சரிவில் சிக்கி 6 யாத்திரீகர்கள் சம்பவ இடத்திலேயே பரிதாபமாக உயிரிழந்தனர். மேலும், 8 யாத்திரீகர்கள் படுகாயமடைந்தனர்.

பாறை சரிவில் சிக்கி இறந்த யாத்திரீகர்களின் உடல்களை மீட்கும் பணியில் மீட்புக்குழுவினர் ஈடுப்பட்டனர். இந்த விபத்தில் இருந்து மீட்கப்பட்ட 3 யாத்திரீகர்கள் மும்பையை சேர்ந்தவர்கள் என்பது தெரியவந்துள்ளது. மற்றவர்களின் நிலவரம் குறித்து போலீசார் விசாரணை நடத்தி வருகின்றனர்.