இந்த நிலையில், 50 சதவீத வாக்குப்பதிவு எந்திரங்களில் ஒப்புகை சீட்டுக்களை எண்ணக்கோரி காங்கிரஸ், திமுக, தெலுங்கு தேசம், தேசியவாத காங்கிரஸ், ஆம் ஆத்மி உள்ளிட்ட 23 கட்சிகள் வழக்கு தொடர்ந்தன.

இந்த வழக்கு தலைமை நீதிபதி ரஞ்சன் கோகாய் தலைமையிலான அமர்வு முன்பாக இன்று விசாரணைக்கு எடுத்துக் கொள்ளப்பட்டது.

அப்போது, இந்த வழக்கு தொடர்பாக தேர்தல் ஆணையம் பதிலளிக்க கோரி உச்சநீதிமன்றம் உத்தரவிட்டது. மேலும், இந்த வழக்கில் உதவுவதற்காக ஒரு மூத்த அதிகாரியை தேர்தல் ஆணையம் நியமிக்க வேண்டும் என கோரிய உச்ச நீதிமன்றம் வழக்கு விசாரணையை வரும் 25 ஆம் தேதிக்கு ஒத்திவைத்தது.