கட்சி மேலிடம் மாநிலங்களவை பதவியை தர முன்வந்தது; ஆனால்... சித்தராமையா பரபரப்பு பேட்டி

இதன்பின்னர் வெளியே வந்த அவர், கர்நாடக முதல்-அமைச்சர் பதவியை ராஜினாமா செய்து விட்டேன் என்று செய்தியாளர்களிடம் உறுதிப்படுத்தினார். எனக்கு மாநிலங்களவை பதவி தரப்படும் என கட்சி மேலிடம் முன்வந்தது. ஆனால், நான் மறுத்து விட்டேன். எனக்கு தேசிய அரசியலில் விருப்பமில்லை என்றார்.

கர்நாடக மக்களுக்கு நான் தொடர்ந்து சேவை செய்வேன் என்று கூறினார். இதுபற்றி கட்சியின் மூத்த தலைவரான எச்.கே. பாட்டீல் கூறும்போது, சித்தராமையா மாநிலங்களவைக்கு செல்லமாட்டார் என்று கூறினார்.

தொடர்ந்து சித்தராமையா கூறும்போது, மதவாத சக்திகளுக்கு எதிராக நான் போராடுவேன். அரசியல் சாசனத்திற்கு எதிரானவர்களை எதிர்த்து, எனது கடைசி மூச்சு இருக்கும் வரை தொடர்ந்து போராடுவேன் என்றும் கூறினார். நான் முதல்-மந்திரி, எதிர்க்கட்சி தலைவர், எம்.எல்.ஏ., துணை முதல்-மந்திரி மற்றும் உள்ளூர் அளவில் பிற பதவிகளையும் வகித்து இருக்கிறேன் என்று கூறினார்.

இதனை தொடர்ந்து, டி.கே. சிவக்குமார் நாளை முதல்-அமைச்சராக பதவி ஏற்க உள்ளார் என தகவல் தெரிவிக்கின்றது. 2013-ம் ஆண்டு முதல் 2018-ம் ஆண்டு வரை மாநில முதல்-அமைச்சராக சித்தராமையா பதவி வகித்து இருக்கிறார். கர்நாடகாவின் நீண்ட கால முதல்-அமைச்சர் என்ற பெருமையை பெற்றவர் ஆவார்.