புதுச்சேரியில் லாரி வாடகை 15 சதவீதம் உயர்வு.. நாளை முதல் அமல்..!

புதுச்சேரி,

வாடகை கட்டணம் உயர்வு

புதுச்சேரி மினி லாரி உரிமையாளர்கள் மற்றும் முகவர்கள் சங்க பொதுக்குழு கூட்டம் மாநில தலைவர் முருகசாமி தலைமையில் மேட்டுப்பாளையம் கனரக வாகன மையத்தில் நேற்று மாலை நடந்தது.

அதனைதொடர்ந்து அவர் நிருபர்களிடம் கூறியதாவது:-

புதுச்சேரியில் பல ஆண்டுகளாக லாரி வாடகை உயர்த்தப்படவில்லை. முதல்-அமைச்சர் ரங்கசாமி கடந்த 5 ஆண்டுகளாக டீசல் விலையையும் உயர்த்தவில்லை. தமிழகத்தைவிட ரூ.10 குறைத்தார். தற்போது எங்களின் வாழ்வாதாரம் பல மடங்கு பாதிக்கப்பட்டுள்ளது. டோல்கேட் கட்டணம் ஆண்டுக்கு 10 முறை ஏற்றப்பட்டு பல மடங்கு உயர்த்தப்பட்டுள்ளது.