உத்தரபிரதேச மாநிலம், அம்ரோஹா மாவட்டத்தில் உள்ள சதர் கோட்வாலி பகுதியில் ஒரு தியேட்டரில் கட்டுமானப்பணிகள் நடைபெற்று வருகிறது. நேற்று தொழிலாளர்கள் கட்டுமான வேலையில் ஈடுபட்டிருந்தபோது, எதிர்பாராதவிதமாக திடீரென தியேட்டரின் சுவர்களில் ஒன்று இடிந்து விழுந்தது. இதில் 2 தொழிலாளர்கள் சம்பவ இடத்திலேயே பலியானார்கள். இடிபாடுகளுக்குள் சிக்கிய 7 பேர் மீட்கப்பட்டனர்.

இதுபற்றி தகவல் தெரிந்த போலீசார் சம்பவ இடத்திற்கு விரைந்து சென்று காயமடைந்தவர்களை மீட்டு சிகிச்சைக்காக ஆஸ்பத்திரிக்கு அனுப்பி வைத்தனர். மேலும், பலியானவர்களின் உடலை மீட்டு பிரேத பரிசோதனைக்காக ஆஸ்பத்திரிக்கு அனுப்பி வைத்தனர்.