டெல்லி அரசு, மூத்த குடிமக்களுக்கான இலவச ஆன்மிக சுற்றுலா திட்டத்தை கடந்த 2018-ம் ஆண்டு தொடங்கியது. இதன்படி, டெல்லியில் வசிக்கும் 60 மற்றும் அதற்கு மேற்பட்ட வயதுடைய மூத்த குடிமக்கள், பூரி, ராமேஸ்வரம், சீரடி, மதுரா, ஹரித்துவார், திருப்பதி உள்ளிட்ட 13 ஆன்மிக தலங்களுக்கு இலவசமாக அழைத்து செல்லப்படுகிறார்கள்.

கொரோனா காரணமாக இந்த சுற்றுலா திட்டம் நிறுத்திவைக்கப்பட்டு இருந்தது. இந்தநிலையில், வருகிற 3-ந் தேதி மீண்டும் தொடங்குகிறது. அன்று, ஆயிரம் மூத்த குடிமக்களுடன் முதல் ரெயில் அயோத்திக்கு புறப்படுகிறது.