மழை வேண்டி கழுதைகள், தவளைகளுக்கு திருமணம்... கிராம மக்கள் நூதன வழிபாடு

ஒரு ஜோடி கழுதை, ஒரு ஜோடி தவளை...

பின்னர் ஆண் கழுதையும், பெண் கழுதையும் மாலை அணிவித்து அலங்கரித்து ஊர்வலமாக அழைத்து செல்லப்பட்டது. அதுபோல் ஆண், பெண் தவளைகளும் அலங்கரித்து எடுத்துச் செல்லப்பட்டது. இந்த ஊர்வலம் அப்பகுதியில் உள்ள கோவில் முன்பு வந்தடைந்தது. பின்னர் அங்கு வைத்து கழுதைகளுக்கும், தவளைகளுக்கும் கெட்டிமேளம், வேத மந்திரங்கள் முழங்க திருமணம் நடத்தி வைக்கப்பட்டது.

அப்போது கிராம மக்கள், மணமக்களுக்கு அட்சதை தூவி ஆசி வழங்குவது போல், கழுதைகள், தவளைகளுக்கும் அட்சதை தூவினர். மேலும் அவர்கள் மழை பெய்து விவசாயம் செழிக்க வருண பகவானை வேண்டி சிறப்பு பூஜை செய்து வழிபட்டனர். அதையடுத்து கழுதைகளுக்கு உணவு பரிமாறப்பட்டது. திருமணத்தில் பங்கேற்றவர்களுக்கு உணவு விருந்து நடந்தது. இதில் கிராம மக்கள் அனைவரும் கலந்துகொண்டனர்.