சித்ரதுர்கா மாவட்டம் ஒலல்கெரே தாலுகா அனுமந்ததேவரகனிவே கிராமத்தில் உண்டு உறைவிடப் பள்ளி ஒன்று செயல்பட்டு வருகிறது. இந்த பள்ளியில் 130 மாணவிகள் படித்து வருகின்றனர்.

நேற்று முன்தினம் மதியம் பள்ளியில் மதிய உணவு வழங்கப்பட்டது. இந்த உணவை சாப்பிட்ட மாணவிகளில் 28 பேருக்கு திடீரென வாந்தி, மயக்கம் ஏற்பட்டது. இதைப்பாத்து அதிர்ச்சி அடைந்த ஆசிரியர்கள் உடனடியாக அப்பகுதியைச் சேர்ந்தவர்கள் உதவியுடன் மாணவிகளை ஒலல்கெரே அரசு ஆஸ்பத்திரியில் சேர்த்தனர்.