குடியுரிமை சட்ட திருத்த மசோதா நேற்று முன் தினம் மக்களவையில் தாக்கல் செய்யப்பட்டு நிறைவேற்றப்பட்டது. மாநிலங்களவையில், இன்று உள்துறை அமைச்சர் அமித்ஷா இந்த மசோதாவை தாக்கல் செய்ய உள்ளார். மக்களவையில், குடியுரிமை மசோதாவை சிவசேனா ஆதரித்தது.

மராட்டியத்தில் காங்கிரஸ் கட்சியுடன் கூட்டணி வைத்து ஆட்சி அமைத்துள்ள சிவசேனா, காங்கிரஸ் கடுமையாக எதிர்க்கும் குடியுரிமை மசோதாவுக்கு ஆதரவு அளித்தது பல்வேறு விமர்சனங்களுக்கும் யூகங்களுக்கும் வழி வகுத்தது.