மராட்டிய மாநிலம் ராய்கட் மாவட்டத்தில் பாஜக சார்பில் ஜன் ஆசிர்வாத் யாத்திரை என்ற பெயரில் நிகழ்ச்சி நடைபெற்றது. இந்த நிகழ்ச்சியில் மத்திய பாஜக அரசின் அமைச்சரவையில் இடம்பெற்றுள்ள மத்திய மந்திரி நாராயன் ரானா பங்கேற்றார்.

அந்த நிகழ்ச்சியில் பேசிய மத்திய மந்திரி நாராயன் ரானா, மராட்டிய முதல் மந்திரியும், சிவசேனா தலைவருமான உத்தவ் தாக்கரே ஆகஸ்ட் 15-ம் தேதி சுதந்திரதின நிகழ்ச்சியில் நாட்டு மக்களுக்கு உரையாற்றும்போது நாடு சுதந்திரம் பெற்ற ஆண்டு எப்போழுது என தெரியாமல் தனது உரையை நிறுத்தி அருகில் இருந்த உதவியாளர்களிடம் கேட்டுள்ளார். முதல்-அமைச்சருக்கு நாடு சுதந்திரதினம் பெற்ற ஆண்டு எப்போழுது என்பது தெரியாதது மிகவும் அவமானகரமானது. நான் அப்போது அங்கிருந்திருந்தால் உத்தவ் தாக்கரேவை அறைந்திருப்பேன் என்றார்.