‘மேகதாது விவகாரத்தில் டி.கே.சிவக்குமார் அமைதியாக இருப்பது ஏன்?’ - கர்நாடக எதிர்க்கட்சி தலைவர் கேள்வி

அதே சமயம், மேகதாது அணை திட்டத்திற்கு தமிழக அரசு கடும் எதிர்ப்பு தெரிவித்து வருகிறது. இந்த திட்டம் செயல்படுத்தப்பட்டால் தமிழக மக்கள் மற்றும் விவசாயிகளின் நலன் பாதிக்கப்படும் என்று தமிழ்நாடு அரசு தரப்பில் தெரிவிக்கப்பட்டுள்ளது. இந்த சூழலில், தற்போது தமிழ்நாட்டில் புதிதாக அமைந்துள்ள த.வெ.க. அரசியின் கூட்டணியில் காங்கிரஸ் கட்சி அங்கம் வகித்து வருகிறது. அதே சமயம், கர்நாடக மாநிலத்திலும் காங்கிரஸ் கட்சி ஆட்சியில் உள்ளது.

இதனால் மேகதாது அணை விவகாரத்தில் என்ன முன்னேற்றம் ஏற்படக்கூடும்? என்ற எதிர்பார்ப்பு நிலவி வருகிறது. சமீபத்தில் காங்கிரஸ் மாநில தலைவராக பொறுப்பேற்ற மாணிக்கம் தாகூர் தலைமையில், சென்னையில் காங்கிரஸ் மாவட்ட செயலாளர்கள் கூட்டம் நடைபெற்றது. அந்த கூட்டத்தில் நிறைவேற்றப்பட்ட தீர்மானங்களில், காவிரி டெல்டா விவசாயிகளின் உரிமைகளைப் பாதுகாப்பதற்காக, மாநிலம் தழுவிய தீவிரப் போராட்டங்களை முன்னெடுக்க காங்கிரஸ் கட்சி தயாராக இருப்பதாகவும், மேகதாது அணை கட்டுவதற்கு கர்நாடக அரசு தொடர்ந்து மேற்கொள்ளும் முயற்சிகளை தமிழ்நாடு காங்கிரஸ் கமிட்டி வன்மையாக கண்டிக்கிறது என்றும் தெரிவிக்கப்பட்டது.