புதுடெல்லி,

காஷ்மீரில் உள்ள புல்வாமாவில் பாகிஸ்தான் பயங்கர வாதிகள் நடத்திய தாக்குதலை அடுத்து இந்திய போர் விமானங்கள் பாகிஸ்தானுக்கு கடந்த பிப்ரவரி மாதம் 26-ந் தேதி சென்று, அங்குள்ள பயங்கரவாத முகாம்களை குண்டு போட்டு அழித்தன.

27-ந் தேதி, பாகிஸ்தான், தனது அதிநவீன எப்-16 ரக போர் விமானங்களை இந்தியாவில் தாக்குதல் நடத்த அனுப்பியது. அந்த விமானங் களை இந்திய விமானப்படை வீரர்கள் விரட்டியடித்தனர். அப்போது பாகிஸ்தானின் எப்-16 போர் விமானம் ஒன்றை இந்திய விமானப்படை விமானி அபிநந்தன் சுட்டு வீழ்த்தினார்.

இந்த வீர தீரச்செயல்களுக் காக அபிநந்தனின் படைப் பிரிவுக்கு (51-வது படைப் பிரிவு) பாராட்டு சான்றிதழ் வழங்கப்படுகிறது.

நாளை (8-ந் தேதி) நடக்கிற விழாவின்போது இந்த பாராட்டு சான்றிதழை அபிநந்தன் படைப்பிரிவின் கட்டளை அதிகாரியான குரூப் கேப்டன் சதிஷ் பவாரிடம் விமானப்படை தளபதி பதாரியா வழங்குகிறார்.