பெங்களூருவில் உள்ள விப்ரோ நிறுவனத்திற்கு கடந்த மாதம் தாக்குதல் நடத்தப்படும் என அடையாளம் தெரியாதவர்களிடம் இருந்து மிரட்டல் வந்தது. இதுதொடர்பாக புகார் தெரிவிக்கப்பட்டு போலீஸ் விசாரித்து வருகிறது. இதனையடுத்து பாதுகாப்பையும் விப்ரோ அதிகரித்தது. இப்போது மீண்டும் விப்ரோ நிறுவனத்திற்கு மிரட்டல் விடுக்கப்பட்டு உள்ளது.

விப்ரோ வெளியிட்டு உள்ள அறிக்கையில், இரண்டாவது முறையாக எங்களுக்கு மிரட்டல் மின்னஞ்சல் வந்தது என்பதை உறுதி செய்கிறோம்... இதனால் நிறுவனத்தின் நடவடிக்கையில் எந்தஒரு பாதிப்பும் கிடையாது. என தெரிவிக்கப்பட்டு உள்ளது. ஆனால் எந்த விதமான மிரட்டல் என்பதை விப்ரோ தெளிவு செய்யவில்லை. போலீஸ் கூடுதல் கமிஷ்னர் கேமந்த் நிம்பால்கார், இரண்டாவது முறையாக மிரட்டல் வந்ததை உறுதி செய்து உள்ளார்.