பெங்களூருவில் நேற்று மெட்ரோ ரயில் ஊழியர்களை ரயில் நிலையத்தில் பாதுகாப்பு பணியில் ஈடுபட்டு இருந்த காவல்துறையினர் தாக்கியதாக புகார் எழுந்தது. இதன் தொடர்ச்சியாக மெட்ரோ ரயில்கள் ஊழியர்களுக்கும் காவல்துறையினருக்கும் மோதல் நடைபெற்றது. இதையடுத்து, 6 பேரை பெங்களூரு போலீசார் கைது செய்தனர். அவர்களில் 4 பேர் விடுவிக்கப்பட்டுள்ளனர்.

இருப்பினும் ஏனைய இரண்டு ஊழியர்களையும் விடுவிக்க வேண்டும் என கோரி பெங்களூரு மெட்ரோ ரயில் ஊழியர்கள் இன்று வேலை நிறுத்த போராட்டத்தில் ஈடுபட்டனர். இதனால், அதிகாலை 5 மணி முதல் மெட்ரோ ரயில் சேவைகள் நிறுத்தப்பட்டுள்ளன. இதன் காரணமாக ஆயிரக்கணக்கான பொதுமக்கள் தங்கள் பணியிடங்களுக்கும் செல்ல முடியாமல் தவித்து வருகின்றனர். தொடர்ந்து மெட்ரோ ரயில் பணியாளர்களுடன் காவல்துறையினர் பேச்சுவார்த்தையில் ஈடுபட்டுள்ளனர்.