இதற்கிடையே, ஜாமீன் கோரி பேராயர் மூலக்கல் மனு தாக்கல் செய்தார். இந்த மனு மீதான விசாரணை கேரள உயர் நீதிமன்றத்தில், நடைபெற்றது. மூலக்கல் தாக்கல் செய்த ஜாமீன் மனுவுக்கு கடும் எதிர்ப்பு தெரிவித்த போலீஸ் தரப்பு, மூலக்கல் சமூகத்தில் உயரிய அந்தஸ்து கொண்டவராக இருப்பதால், அவரை ஜாமீனில் விடுவித்தால், விசாரணைக்கு இடையூறு செய்வார் என்று தெரிவித்தது.

போலீசாரின் கோரிக்கையை ஏற்றுக்கொண்ட கேரள உயர் நீதிமன்றம், பேராயர் மூலக்கல் தாக்கல் செய்த ஜாமீன் மனுவை தள்ளுபடி செய்து உத்தரவிட்டது. பாலாவில் உள்ள மாஜிஸ்திரேட்டு நீதிமன்றம் ஜாமீன் மனுவை நிராகரித்ததால், கேரள உயர் நீதிமன்றத்தில், பேராயர் ஜாமீன் கோரி மனு தாக்கல் செய்து இருந்தார். தற்போது, கேரள உயர் நீதிமன்றமும் ஜாமீன் மனுவை தள்ளுபடி செய்துள்ளது.