ஊரடங்கு உத்தரவை மீறி கர்ப்பிணியை சரியான நேரத்தில் அழைத்து சென்று காப்பாற்றிய ஆட்டோ ஓட்டுனர்

ஆனால் ஊரடங்கு உத்தரவு பிறப்பிக்கப்பட்ட அங்கு வருவதற்கு யாரும் முன்வரவில்லை. நந்திதாவின் பிரசவ வலி அதிகரித்து வந்தது. இந்நிலையில், அவரது வீட்டுக்கு அருகே வசித்து வந்த ரூபனின் நண்பரான ஆட்டோ ஓட்டுனர் மக்பூல் உடனடியாக உதவிக்கு முன்வந்துள்ளார். யாருமில்லாத சாலைகளில் வேகமுடன் ஆட்டோ ஓட்டி சென்றார். செல்லும் வழியில் இறைவனிடம் வேண்டியபடி சென்றுள்ளார்.

அவர் சரியான நேரத்தில் மருத்துவமனைக்கு தம்பதியை அழைத்து சென்று சேர்த்து விட்டார். அந்த தம்பதிக்கு ஆண் குழந்தை ஒன்று பிறந்தது. வகுப்புவாத மோதலால் ஏற்பட்ட ஊரடங்கு உத்தரவுக்கு இடையே பிறந்த அந்த குழந்தைக்கு சாந்தி என பெயரிட்டுள்ளனர்.

இதுபற்றி அறிந்த ஹைலகாண்டி துணை ஆணையர் கீர்த்தி ஜல்லி மற்றும் போலீஸ் சூப்பிரெண்டு மோனீஷ் ஆகியோர் தம்பதியின் வீட்டிற்கு சென்று இதுபோன்று இந்து மற்றும் முஸ்லிம் மக்கள் ஒற்றுமைக்கு எடுத்துக்காட்டாக இருக்க வேண்டும் என கூறியுள்ளனர். தனது நண்பருக்கு துன்பம் நிறைந்த சூழலில் உதவிய ஆட்டோ ஓட்டுனர் மக்பூலையும் கீர்த்தி பாராட்டினார்.