கண்டமனூர் அருகே உள்ள கோவிந்த நகரத்தை சேர்ந்தவர் நாராயணசாமி. இவருடைய மனைவி வேதவல்லி(வயது 55). இதே ஊரை சேர்ந்தவர் வெங்கடேசன் (55). தொழிலாளி. இவரிடம் வேதவல்லி தனக்கு சொந்தமான தோட்டம் மற்றும் மாட்டுத்தொழுவத்துடன் 15 கறவை மாடுகளை ஒப்படைத்து பராமரித்து வரும்படி கூறிவிட்டு கடந்த ஜனவரி மாதம் சென்னைக்கு சென்றார்.

இந்நிலையில் மீண்டும் வேதவல்லி சென்னையில் இருந்து வந்து நேற்று முன்தினம் மாட்டுத்தொழுவத்தை பார்வையிட்டார். அப்போது தொழுவத்தில் 5 கறவைமாடுகள் மட்டுமே இருந்தன. இதனால் அதிர்ச்சி அடைந்த வேதவல்லி மீதியுள்ள கறவை மாடுகளை எங்கே என்றும், கடந்த 4 மாதங்களாக பால் விற்ற கணக்கு ரூ.4 லட்சத்து 99 ஆயிரம் எங்கே என்றும் கேட்டுள்ளார்.