நான் தொகுதி மாறுவதாகக் கூறவில்லை: செல்வப்பெருந்தகை

இந்த நிலையில், எந்த கட்சிக்கு எந்த தொகுதிகள் என்பது குறித்து சென்னை அண்ணா அறிவாலயத்தில் திமுக தொகுதிப் பங்கீட்டுக் குழுவுடன் தமிழ்நாடு காங்கிரஸ் மேலிட பொறுப்பாளர் கிரிஷ் சோடங்கர், தமிழ்நாடு காங்கிரஸ் கமிட்டி தலைவர் செல்வப்பெருந்தகை, ராஜேஷ்குமார், நிவேதித் ஆல்வா ஆகியோர் ஆலோசனை நடத்தினர்.

அதன்பின்னர் செய்தியாளர்கள் சந்திப்பில் செல்வப்பெருந்தகை கூறியதாவது:-

காங்கிரஸ் தொகுதிகள் குறித்து திமுகவிடம் பேசி உள்ளோம். பேச்சுவார்த்தை சுமுகமாக நடந்துள்ளது. நாங்கள் கேட்கும் தொகுதிகளை திமுகவும் கேட்கிறது, அவர்கள் கேட்கும் சில தொகுதிகளை நாங்களும் கேட்கிறோம். சில தினங்களில் தொகுதிகள் இறுதியாகும். திமுக குழு கொடுக்கும் தொகுதி பட்டியலை காங்கிரஸ் தலைமைக்கு அனுப்பி ஒப்புதல் பெற்று இறுதி செய்யப்படும். நான் தொகுதி மாறுவதாகக் கூறவில்லை. இவ்வாறு அவர் கூறினார்.