சட்டப்பேரவை தேர்தலில் உதயசூரியன் சின்னத்தில் போட்டியிடுவேன் - கருணாஸ்

மீண்டும் எத்தனை தொகுதிகள் கேட்டுள்ளீர்கள் என்று நிருபர்கள் கேள்வி எழுப்பியதற்கு, திமுக கூட்டணியில் சீட் கேட்டுள்ளோம், எங்கள் கட்சியின் வலிமை என்ன என்பது எங்களுக்கு தெரியும். திமுக கூட்டணியில் புதிதாக 13,14 கட்சிகள் வந்துள்ளது. இவர்கள் எல்லோரும் பாஜகவின் பாதக செயலுக்கு தமிழ்நாட்டில் இடம் கொடுக்க கூடாது, அதற்கான வழிவகையை நாமே ஏற்படுத்திவிடக்கூடாது என்ற உயர்ந்த எண்ணத்தில் அனைவரும் ஒன்றாக இணைந்துள்ளனர். அதனால் எத்தனை தொகுதிகள் கிடைக்கும் என்பது முக்கியமில்லை மீண்டும் திராவிட சித்தாந்தத்தை தாங்கி நிற்க கூடிய திமுகவின் ஆட்சி தொடரவேண்டும் என்பதே முக்குலத்தோர் புலிப்படையின் நிலைப்பாடாகும்.