தர்மபுரியில் சவுமியா அன்புமணிக்கு எதிராக சரவணன் என்பவரை களமிறக்கிய ராமதாஸ்

இதற்கிடையில், தேசிய ஜனநாயக கூட்டணியில் அங்கம் வகிக்கும் டாக்டர் அன்புமணி ராமதாசை தலைவராக கொண்டு செயல்படும் பா.ம.க. 18 தொகுதிகளில் போட்டியிடுகிறது. இதில் முதல் கட்டமாக 3 தொகுதிகளுக் கான வேட்பாளர்களை அன்புமணி ராமதாஸ் கடந்த 25-ந்தேதி அறிவித்தார். இதையடுத்து 15 தொகுதிகளில் போட்டியிடும் இறுதிகட்ட வேட்பாளர்களை அன்புமணி ராமதாஸ் நேற்று அறிவித்தார்.

அதில் தர்மபுரியில் சவுமியா அன்புமணி போட்டியிடுகிறார். பெரம்பூரில் த.வெ.க. தலைவர் விஜய்யை எதிர்த்து திலகபாமாவும், விருத்தாசலத்தில் தே.மு.தி.க. பொதுச்செயலாளர் பிரேமலதாவை எதிர்த்து டாக்டர் தமிழரசியும், காட்டுமன்னார் கோவிலில் விடுதலைச்சிறுத்தைகள் கட்சி தலைவர் திருமாவளவனை எதிர்த்து அன்புசோழனும் களம் காண்கின்றனர்.