மன்னர் அல்-தானி, நாங்கள் இறையாண்மைக்கான மரியாதை மற்றும் ஒவ்வொரு நாடும் பரஸ்பர உறுதிமொழிகள், பொறுப்புகளை கடைபிடிப்பது என்கிற வரையறைகளுக்குள் தற்போது இருந்து வரும் பிரச்சினைகளுக்கு பேச்சு வார்த்தை மூலம் தீர்வு காண தயாராகவுள்ளோம் என்றார்.

அவர் மேலும், கத்தார் தீவிரவாதத்திற்கு எதிராக தொடர்ந்து போரிட்டு வருகிறது. இதை உலக நாடுகள் அங்கீகரித்துள்ளன என்றார். சவூதி உட்பட நான்கு நாடுகள் கத்தாருடனான தூதரக உறவுகளை கடந்த ஜூன் 5 ஆம் தேதி முதல் துண்டித்தன. கடந்த பல ஆண்டுகளில் வளைகுடா பகுதியில் நிகழ்ந்த பெரிய சிக்கல்களில் மோசமானதாக இந்த விவகாரம் காணப்படுகிறது. நான்கு நாடுகள் கத்தார் மீது தடைகளையும் விதித்துள்ளன.