பின்கோடு முறைக்கு “குட்பை” சொல்லும் தபால்துறை

டிஜிபின்கோடு

10 இலக்க டிஜிபின்கோடு என்பது. ஆங்கில எழுத்துகள் மற்றும் எண்களை அடிப்படையாக கொண்டது. ஜியோஹேசிங் என்ற கணித முறையில் உருவாக்கப்பட்டுள்ளது. இது 2 முறை ஜி.பி.எஸ். கணக்கீட்டை ஒன்றாக மாற்றம் செய்கிறது. இதில் 26 ஆங்கில எழுத்துக்கள் மற்றும் 0 முதல் 9 வரையிலான எண்கள் கொண்ட கலவையான கோடிங் ஆகும். இதில் உள்ள முதல் 2 எழுத்துகள் மாநிலத்தை குறிக்கும். அதற்கடுத்து உள்ள ஒற்றை இலக்க எண்கள் அந்த பகுதியில் உள்ள சிறிய துணைப்பகுதியை குறிக்கிறது. கூடுதலாக சேர்க்கப்படும் ஒவ் வொரு எழுத்தும் அந்த இடத்தின் பரப்பளவை துல்லியமாக குறிக்கிறது. 10-வது எழுத்து இருப்பிடத்தை சுற்றிலும் 4 மீட்டர் சுற்றளவுக்குள் உள்ள பகுதிக்கான அடையாளமாகும். இந்த கடைசி எழுத்து மட்டும் அனைவருக்கும் மாறுபடும். இந்த கணக்கீடானது படிநிலை அமைப்பை கொண்டுள்ளது. இதனால் அருகருகே உள்ள 2 இடங்கள் ஒரே மாதிரியான முதல் 8 அல்லது 9 எழுத்துகளை பகிர்ந்து கொள்ளும்.

அடுக்குமாடி குடியிருப்புகளை பொறுத்தமட்டில், இந்த கணக்கீடு உயரமான கட்டிடத்தில் உள்ள ஒவ்வொரு குடியிருப்பு. அலுவலகம் அல்லது கடையும், அந்தக் கட்டிடம் அமைந் துள்ள இடத்திற்காக ஒதுக்கப்பட்ட அதே 10-எழுத்து/எண் கொண்ட அடிப்படை டிஜிபின் குறியீடாக உள்ளது. எடுத்துக்காட்டாக ABCD1234EF FL04-APT402 (டிஜிபின் தளம் அலகு எண்). முகவரிக்கு வர விரும்புபவர்கள் அந்த 10-எழுத்து/எண் கொண்ட அடிப்படை குறியீட்டை பயன்படுத்தி நேரடியாக கட்டிடத்தின் முக்கிய நுழைவுவாயில் அல்லது வரவேற்ப றைக்கு செல்கின்றனர். பின்னர், நீட்டிப்பு குறியீட்டை பயன்படுத்தி இருப்பிடத்திற்கே வர முடியும். இந்த டிஜிட்டல் பின்கோடு முறை நமது இருப்பிடத்தை தேடி வருபவர்களுக்கு எளிதாக காணப்பட்டாலும், மறைமுக ஆபத்தும் உள்ளதாக கூறப்படுகிறது.

தகவல் திருட்டு என்பது நவீன கால முறைகேடாக காணப்படும் இந்த வேளையில் நாம் செல்போன் மூலம் இருப்பிடத்தை பிறரிடம் பகிரும்போது பாதுகாப்பானதாக இருக்குமா என் பது கேள்விக்குறியாக உள்ளது. இந்த பின்கோடு முறை பயன்பாட்டுக்கு வரும்போதுதான் அது வரமா? அல்லது சாபமா? என்பது தெரியவரும். மும்பை, பெங்களூரு, கொல்கத்தா. சென்னை போன்ற மெட்ரோபாலிட்டன் நகரங்களில் சந்து, பொந்துகளை தேடி கண்டறிய இந்த டிஜிபின் உதவும் என்பதில் எந்த சந்தேகமும் இல்லை.