டெர்ம் இன்சூரன்ஸ்... லைப் இன்சூரன்ஸ்... உங்கள் குடும்பத்திற்கு சரியான தேர்வு எது?

எது சரியான தேர்வு?

ஒரு குடும்பத்தின் முதன்மை வருமானம் ஒரே நபரை மீது சார்ந்திருக்கும் சூழலில், குறைந்த செலவில் அதிக பாதுகாப்பு வழங்கும் டெர்ம் இன்சூரன்ஸ் மிகச் சிறந்த தேர்வாக அமைகிறது. ஏனெனில் எதிர்பாராத சூழ்நிலைகளில் குடும்பம் நிதி சிக்கலில் சிக்காமல் காப்பாற்றப்படுகிறது. அதே நேரத்தில், கட்டாயமாக ஒரு தொகையை சேமிக்க வேண்டும். பாதுகாப்புடன் சேர்த்து ஒரு முதலீட்டு வழியும் வேண்டும் என்று நினைப்பவர்களுக்கு லைப் இன்சூரன்ஸ் பொருத்தமான தேர்வாக இருக்கும்.

நிபுணர்கள் சொல்லும் ஸ்மார்ட் வழி

பொதுவாக நிதி ஆலோசகர்கள் டெர்ம் இன்சூரன்ஸைதான் பரிந்துரைக்கிறார்கள். ஆம்..! டெர்ம் இன்சூரன்ஸை எடுத்துக் கொண்டு, மீதமுள்ள பணத்தை பி.பி.எப்., மியூச்சுவல் பண்ட் போன்ற தனி முதலீடுகளில் செலுத்துவது அதிக லாபகரமானது என்கிறார்கள். இந்த முறையில் ஒருவர் அதிக பாதுகாப்பையும், அதேசமயம் நல்ல வருமானத்தையும் பெற முடியும் என்பது பல நிபுணர்களின் கருத்து.

காப்பீடு என்பது வெறும் சேமிப்பு கருவி அல்ல; அது ஒரு குடும்பத்தின் எதிர்காலத்தை பாதுகாக்கும் பாதுகாப்பு கவசம் ஆகும். எனவே, ஒருவர் தனது தேவைகள், பொறுப்புகள் மற்றும் வருமானத்தை கருத்தில் கொண்டு சரியான தேர்வை மேற்கொள்ள வேண்டும்; குறிப்பாக குடும்பத்தின் நீண்டகால நிதி பாதுகாப்பை முன்னிலைப்படுத்தினால், குறைந்த செலவில் அதிக பாதுகாப்பு வழங்கும் டெர்ம் இன்சூரன்ஸ் முக்கியமான இடத்தைப் பெறுகிறது.