காஞ்சீபுரம் மாவட்டம், குன்றத்தூர் ஒன்றியத்திற்குட்பட்ட கொளப்பாக்கம் ஊராட்சியில் கடந்த ஆண்டு பெய்த பருவமழையின்போது பல்வேறு இடங்களில் மழைநீர் தேங்கி சாலைகள் முற்றிலும் சேதம் அடைந்தது. மேலும் அந்த பகுதிகளில் புதிதாக சாலை அமைக்க வேண்டும் என்ற கோரிக்கை எழுந்த நிலையில் சி.எம்.டி.ஏ. நிதியின் கீழ் ரூ.2 கோடி மதிப்பீட்டில் மழைநீர் தேங்கிய பகுதிகளில் சேதமடைந்த சாலைகளை சீரமைப்பது. மேலும் மழைநீர் தேங்கும் வகையில் தாழ்வான இடங்கள் கண்டறியப்பட்டு அந்த பகுதிகளில் எல்லாம் புதிய சிமெண்டு சாலைகள் அமைக்கும் பணி நடைபெற்று வருகிறது.